Westcon Olvondo utvidar på Bømlo

Westcon Olvondo AS tar over maskineringsavdelinga i Matre Maskin AS.

Westcon Olvondo kjøper nå opp maskineringsavdelingen til Matre Maskin, som vil bidra til å styrke industriområdet Brubakken, ved Rubbestadneset på Bømlo. Matre Maskin har tradisjonelt drive mest med maskinering av komponentar til brannsløkking til skip og offshore, men har i seinare år utvikla og levert større system for brannsløkking, der mykje av utstyret er innkjøpte komponentar.

– Nøkkelkomponentane i brannsløkkesystema er framleis Matre Maskin sin design, men det er vanskeleg å få lønnsam drift i maskineringsavdelinga, når dette vert ein stadig mindre del av omsetninga, seier Tommy Esperø, dagleg leiar i Matre Maskin. - Dette er ein vinn-vinn-situasjon for begge partar, seier Steinar Matre som er dagleg leiar i Westcon Olvondo i ei pressemelding.

– Når me no kjøper opp maskineringsavdelinga og skal produsera komponentar til Matre Maskin, vil det styrke oss og vår produksjon. På sikt ønskjer me å utvide, og truleg få på plass endå fleire arbeidsplassar enn ein har no,

– Me vil drive vidare basert på den kompetansen og produksjonen som Matre Maskin har opparbeidd seg over lang tid.

Westcon Olvondo tar over både utstyr og tilsette i maskineringsavdelingen til Matre Maskin 1. august. I dag er det 31 tilsette i Matre Maskin, 6 av dei tilsette vil no gå over til Westcon Olvondo, som har 36 tilsette. Produksjonen vil halde fram i same lokala som nå. -

Lokal bedrift

Målet her er å ekspandere med ein lokal aktør i front, dette har me tru på, seier Tommy Esperø som har 11 år bak seg i Matre Maskin. Han viser til at ein har vurdert ulike strategiske samarbeid over tid, men landa etter kvart på Westcon Olvondo.

– Det var enkelt å gå i vidare dialog med dei, sidan dei kjenner næringslivet her lokalt godt, og som me kan samarbeide med for å skape industrivekst vidare. I næringsklynga Brubakken på Rubbestadneset held også Servogear til, som produserer gir og propellsystem til hurtigbåtar, og som alt er ein tett samarbeidspartnar for både Matre Maskin og Westcon Olvondo. Saman vil desse bedriftene ytterlegare styrke satsinga på Rubbestadneset.

– Maskinering er ein tøff bransje, og det er viktig at me klarer å halde oppe konkurransekrafta, her trur me Westcon Olvondo kan bidra positivt, meiner Esperø i Matre Maskin.

Steinar Matre i Westcon Olvondo viser til at det også hos dei blir satsa på nye produktlinjer, som del av ei langsiktig satsing for å få fleire arbeidsplassar. Han ser også at ein no gjerne kan tilby læretid til fleire lærlingar enn før, ettersom maskinparken og komponentane til Matre Maskin gjer det lettare å driva opplæring og samarbeid med yrkesfaglege utdannings- og opplæringsinstansar.

Tøft koronaår

Trass i eit tøft korona-år ser begge bedriftene no framover.

– I Matre Maskin fekk me nokre permitteringar i fjor, men me ser lysare på framtida no, seier Esperø . 70% av Matre Maskin sine leveransar går til eksport, og me reknar med at marknaden tek seg opp utover hausten, seier han.

Også i Weston Olvondo har fjoråret vore vanskeleg.

– Me gjekk frå å tråle marknaden etter fleire tilstette, til plutseleg måtte tenkje på omstrukturering av selskapet og permitteringar, då pandemien slo til. Alle oljeaktørar som skulle bygge ut felt har til dømes skrinlagt eller utsett planane sine, og etterspør færre komponentar enn til vanleg. Det grøne skiftet har også ført til at Westcon Olvondo ser mot andre bransjar enn olje og gass, til dømes har dei no retta seg meir inn mot maritim sektor. Matre Maskin på si side har hatt stor suksess med leveransar av større brannsløkkesystem til plattformer som blir nytta i samband med utbygging og drift av store vindturbinar til havs, og har hatt ei rekkje leveransar av brannsløkkeutstyr til dei nye, batteridrivne bilferjene som er bygde dei siste åra.

– Oppkjøpet av Matre Maskin sin maskineringsavdeling vil styrka klyngesamarbeidet i Brubakken, til nytte for alle partar, sluttar Tommy Esperø.