St1 Norge AS, som er dotterselskap av det nordiske energiselskapet St1 Nordic Oy, har signert avtale med Knapphus Energi og Rune Furseth sitt selskap Biogrønn AS om kjøp av 33,33 prosent av aksjene i selskapet Biogas Energi Aksdal AS. Selskapet som no skal bygge nasjonal infrastruktur for biogass i Noreg er et samarbeid mellom tungtransportaktøren Nor-log Gruppen, energiselskapet St1 Norge og Knapphus Energi som har lang fartstid innan drift av energistasjonar, kjem det fram av ei pressemelding. Nor-log Gruppen har kjøpt gassdrevne lastebilar, og treng difor eit robust nettverk av fyllepunkt.
- Dette er kjempespanande. Her løyser me eit avfallsproblem samstundes som me løyser ei stor CO2-utfordring for transportbransjen. Dette er eit godt døme på eit grønt skifte i tungtransporten utan raud botnlinje, seier Jarle Sjurseike i Knapphus Energi.
Planen er å etablere eit nasjonalt nettverk av fyllepunkt for biogass, med første fyllepunkt etablert i løpet av 2021. Nor-log Gruppen og eigarane bak selskapet ønskjer å gå føre i arbeidet med å gjere transporten utsleppsfri for kundane
- Me har og tru på batterielektriske løysingar, men desse er enn så lenge for tunge og har avgrensa rekkevidde for det meste utanom bydistribusjon. Når all teknologi er på plass frå produksjonsanlegg for biogass til fyllestasjonar og bilar, er dette ei lågthengande frukt både for miljø og klima, seier Rune Furseth i Nor-log Gruppen.
- I St1 har me ein visjon om å vere leiande på produksjon og sal av CO2-bevisst energi, og det at me no satsar på å bygge eit nasjonalt nettverk av fyllepunkt for biogass i Noreg er heilt i tråd med denne visjonen. Det er gøy å vere på eit lag som både bidreg til omstillinga av energisektoren, samstundes som me sikrar lønnssemd. Det er slik me må jobbe for å løyse dei globale energiutfordringane me står ovanfor, seier Kristine Grant-Carlsen, administrerende direktør i St1 Norge AS.
